Pókerorðabók: 77 hugtök í póker útskýrð

Aðalpottur (main pot): Potturinn sem allir sem eru enn með í hendinni eiga hlut í.

All-in: Spilari leggur alla spilapeningana sína undir. Hann getur aðeins unnið jafnháa upphæð af hverjum andstæðingi og hann lagði sjálfur fram.

Ante: Lítil skyldugreiðsla sem fer í pottinn áður en gefið er.

Ás (A): Hæsta spilið. Ásinn getur líka verið lægsta spilið í röðinni A-2-3-4-5.

Big blind ante (BBA): Spilarinn í stóra blindinum greiðir ante fyrir allt borðið, yfirleitt sömu upphæð og stóri blindurinn. Hjá PSÍ eru stigin skráð á forminu 6.000/12.000/12.000.

Blindir (blinds): Skyldugreiðslur tveggja spilara vinstra megin við hnappinn, litli blindur (small blind) og stóri blindur (big blind). Margir spilarar segja „blindar“.

Bluff: Veðmál eða hækkun með veikri hendi í von um að andstæðingar með betri hendur pakki.

Búbblan (bubble): Staðan í móti þegar næsti spilari sem fellur út fær engin verðlaun. Á Íslandsmótinu hefur sá sem endar í búbblusætinu fengið miða á næsta Íslandsmót.

Byrjunarhönd (starting hand): Eigin spil í upphafi handar, tvö í Texas Hold’em og fjögur í Omaha. Í Hold’em eru 169 ólíkar byrjunarhendur.

Cash game: Sjá peningaspil.

Check-raise: Spilari tékkar og hækkar síðan þegar andstæðingur veðjar í sömu umferð.

Continuation bet (c-bet): Veðmál á floppinu frá spilaranum sem hækkaði síðast fyrir flopp.

Cutoff (CO): Sætið hægra megin við hnappinn. Aðeins hnappurinn á síðar að gera eftir flopp.

Dauð hönd (dead hand): Hönd sem er dæmd úr leik. Á mótum PSÍ er hönd dauð ef spilari svarar í síma meðan hann er enn með í hendinni.

Draw: Hönd sem vantar eitt spil eða fleiri til að verða sterk, til dæmis fjögur spil í sama lit eftir floppið.

Drottning (D): Þriðja hæsta spilið, á eftir ás og kóngi.

Endurkaup (re-entry): Spilari sem fellur út kaupir sig aftur inn í mótið og fær nýjan stakk. Á Smábokka PSÍ eru leyfð ein endurkaup.

Equity: Hlutur handar í pottinum miðað við hversu oft hún vinnur. Fyrir flopp er equity A♠A♥ gegn K♣K♦ um 81%.

Ferna (four of a kind): Fjögur spil af sama gildi.

Flopp (flop): Fyrstu þrjú sameiginlegu spilin á borðinu.

Freezeout: Mót þar sem ekki er hægt að kaupa sig aftur inn. Aðalmót Íslandsmótsins er freezeout.

Fullt hús (full house): Þrenna og par í sömu hendi.

Gjafari (dealer): Sá sem gefur spilin, stýrir veðmálum og afhendir pottinn.

Gosi (G): Spilið á milli tíunnar og drottningarinnar.

Gutshot: Röð sem vantar eitt spil inn í, til dæmis 9-8-6-5 þar sem aðeins sjöa gefur röð. Höndin hefur 4 outs.

Hand-for-hand: Nálægt búbblunni hefst ný hönd ekki á neinu borði fyrr en hendinni er lokið á öllum borðum.

Heads-up: Tveir spilarar eftir í hendinni eða í mótinu.

Hliðarpottur (side pot): Pottur sem myndast þegar spilari er all-in og aðrir halda áfram að veðja. Spilarinn sem er all-in getur ekki unnið hann.

Hliðarspil (kicker): Hæsta spilið utan parsins eða þrennunnar. Það ræður úrslitum ef tveir eru með sama par.

Hnappur (button): Merki sem sýnir hver er í stöðu gjafarans. Hann færist eitt sæti til vinstri eftir hverja hönd.

Hækka (raise): Leggja meira í pottinn en hæsta veðmálið í umferðinni.

Hæsta spil (high card): Hönd án pars eða annarrar samsetningar. Hæsta spilið ræður.

ICM (Independent Chip Model): Reikniaðferð sem breytir stökkum á móti í peningavirði miðað við verðlaunin sem eftir eru.

Implied odds: Það sem spilari getur unnið í síðari umferðum ef höndin gengur upp.

Kalla (call): Leggja sömu upphæð og hæsta veðmálið.

Kostnaðarhlutfall: Hlutfall þátttökugjalda sem fer í kostnað við mót. Á Smábokka 2026 var það 15% og á Íslandsmótinu 2025 15,7%.

Kóngur (K): Næsthæsta spilið.

Lifandi hönd (live hand): Hönd sem er enn með í leiknum. Spilarinn ber sjálfur ábyrgð á að verja lifandi hönd sína.

Limp: Að kalla stóra blindinn fyrir flopp í stað þess að hækka.

Litaröð (straight flush): Fimm spil í röð í sama lit. Konungleg litaröð (royal flush) er A-K-D-G-10 í sama lit.

Litur (flush, suit): Fimm spil í sama lit. Orðið er líka notað um sjálfa litina fjóra, spaða, hjarta, tígul og lauf.

Lokaborð (final table): Síðasta borðið í móti. Á Íslandsmótinu sitja níu spilarar við lokaborðið.

Mótsstjóri (tournament director): Sá sem stýrir mótinu og úrskurðar í ágreiningsmálum.

Muck: Bunkinn af spilum sem hent hefur verið. Spil sem lenda í honum eru dauð.

No-limit: Leikform þar sem spilari má leggja alla spilapeningana sína undir hvenær sem röðin er komin að honum.

Nuts: Besta mögulega höndin miðað við spilin á borðinu.

Omaha: Pókerleikur þar sem hver spilari fær fjögur spil og verður að nota nákvæmlega tvö þeirra og þrjú af borðinu.

Outs: Óséð spil sem myndu bæta hönd spilarans nógu mikið til að hún vinni líklega. Með fjögur spil í sama lit eftir floppið eru outs níu.

Pakka (fold): Henda spilunum og hætta í hendinni.

Par (pair): Tvö spil af sama gildi. Par á hendi (pocket pair) kallast það þegar bæði eigin spilin eru af sama gildi.

Peningaspil (cash game): Spil þar sem spilapeningarnir eru raunveruleg verðmæti og spilarar geta hætt hvenær sem er.

PLO (Pot Limit Omaha): Omaha þar sem hæsta veðmál er jafnhátt pottinum. PSÍ heldur sérstakt Íslandsmót í PLO.

Pot-limit: Leikform þar sem hæsta leyfilega veðmál er jafnhátt pottinum.

Pot odds: Hlutfallið milli stærðar pottsins og upphæðarinnar sem þarf að kalla.

Pottur (pot): Allir spilapeningarnir sem lagðir hafa verið fram í hendinni.

Range: Allar hendur sem andstæðingur gæti verið með miðað við það sem hann hefur gert í hendinni.

Rebuy og add-on: Með rebuy kaupir spilari nýja spilapeninga án þess að falla út. Með add-on má kaupa viðbótarspilapeninga einu sinni, í lok rebuy-tímans.

River: Fimmta og síðasta sameiginlega spilið.

Röð (straight): Fimm spil í röð í fleiri en einum lit.

Sett (set): Þrenna sem myndast þegar spilari er með par á hendi og þriðja spilið af sama gildi kemur á borðið.

Showdown: Sjá uppgjör.

Slow roll: Spilari sem veit að hann er með bestu höndina dregur að sýna hana. Slíkt telst ókurteisi.

Staða (position): Hvar spilarinn situr miðað við hnappinn. Sá sem á að gera síðastur sér hvað hinir gerðu.

Stakkur (stack): Spilapeningar spilarans. Stakkur er einnig kallaður stafli. Stærð stakks er oft gefin upp í stórum blindum.

String bet: Spilari leggur spilapeninga fram í nokkrum hreyfingum án þess að hafa sagt upphæðina fyrst. Slíkt veðmál er ekki leyft.

Tékka (check): Veðja ekki og láta röðina ganga áfram, ef enginn hefur veðjað í umferðinni.

Tilt: Ástand þar sem pirringur eða reiði fer að ráða ákvörðunum spilara.

Turn: Fjórða sameiginlega spilið.

Tvö pör (two pair): Tvö mismunandi pör í sömu hendi.

Undanmót (satellite): Mót þar sem verðlaunin eru miðar í stærra mót. Undanmót fyrir Íslandsmótið eru haldin á haustin.

Uppgjör (showdown): Spilin eru sýnd í lok handar og besta höndin vinnur pottinn.

UTG (under the gun): Fyrsta sætið vinstra megin við stóra blindinn. Sá sem þar situr á fyrstur að gera fyrir flopp.

Value bet: Veðmál með sterka hönd í von um að lakari hendur kalli.

Veðja (bet): Leggja fyrstur fé í pottinn í veðmálsumferð.

Verðlaunafé (prize pool): Upphæðin sem skiptist milli verðlaunasæta. Á Íslandsmótinu 2024 var verðlaunaféð 8.620.000 kr.

Þátttökugjald (buy-in): Það sem kostar að taka þátt í móti. Í aðalmóti Íslandsmótsins 2026 er það 80.000 kr.

Þrenna (three of a kind): Þrjú spil af sama gildi. Ef eitt þeirra er á hendi og tvö á borðinu tala spilarar um trips.